Tuesday, August 28, 2012

ANAK NG PASIG


Ito ang Pasig River noon,malinis ang tubig, maayos at kaakit-akit tingnan ang mga kabahayan na malapit sa tabi ng Ilog. Ito rin ang pangunahing daanan sa pagluwas at pagpasok ng mga kalakal mula sa ibat-ibang karatig probinsya ng Maynila.  Makasay-sayan din ang Pasig River, maging noong panahon pa ni Rizal at may isang tagpo pa dito na isinulat si Rizal sa kanyang makasay-sayang aklat na "Noli Me Tangere at "EL Filibustirismo" Pero sa paglipas ng mahabang panahon hangang sa kasalukuyan.
Heto ngayon ang Pasig River. Nawala ang ganda ng Ilog, nawala ang mga halaman sa tabi, Dumami ang tao na naninirahan sa gilid, at maraming nag eskwat at nagtayo ng barung-barong, at tinapunan pa ng basura ng mga kababayan nating walang disiplina sa sarili. Sa paglipas ng panahon aminin natin na di naalagaan ang Pasig River at kasabay ng pag-dami ng tao ay siya rin pagdami ng lumapastangan sa linis at ganda ng Ilog.
Mula sa itaas kung nakasakay ka sa plane or chopper magandang pagmasdan ang buong Metro Manila ang mga kabahayan at ang Ilog Pasig na naghahati sa ilang syudad sa kamyanilaan tulad ng Makati City at Mandaluyong. Maraming na ring Photoghraper at maging sa ibang bansa ang kumuha ng larawan sa ating Ilog, at talaga namang ito'y napakagandang kunan ng larawan mula sa itaas dahil makikita mo rin ang entire city ng  Metro Manila. Pero hanggang larawan nalang ba natin masasabi na maganda ang Pasig River. Siguro nga hangang sa larawan nalang at sa malayo mo nalang dapat tingnan ang Pasig River dahil marumi na ang tubig nito at toxic na ito sa mga yamang tubig na ating kinabubuhay. Mabaho na rin kung lalapit ka sa Ilog dahil sa mga waste na naitapon dito tulad ng basura at kung anu-ano pa. Kasabay nito ang isa pang problema ang di makontrol ng gobyerno na pagdami ng naninirahan sa gilid ng Ilog.
Maraming mga Non-Government Organization or (NGO), at mga indibidwal sa ngayon ang nagtutulungan para daw makaipon ng pondo as in "PONDO" it means Money! para daw malinis muli ang Pasig River.! Natutuwa kaba dito?Ako para sa akin no comment ako dyan pagdating sa pondo. Ang sa akin lang sana bago natin naisip ang pagrehab sa Ilog Pasig dapat inisip muna natin noon kung paano ba ang dapat gawin para di masira ang ang Ilog, paano ba ang pamamaraan para maging kapaki-pakinabang sa darating pang panahon para sa mga mga anak ng ating mga anak. Matatalino daw tayong mga Pinoy pagdating sa mga problemang ganito, may mga plan A at plan B na agad na pedeng gawin kung sakaling mangyari ang ganitong sitwasyon. Pero mas maganda siguro na planuhin natin ang mga dapat gawin para manatili ang kaayusan at hindi ang plano after ng masira ang isang bagay o kalikasan tulad ng Pasig River. Gets nyo ba ako.? Tama diba?!
Sa sitwasyon ngayon  paano pa maibabalik ang dating ganda at linis at halimuyak ng tilamsik ng tubig sa pampang ng Pasig river.?! Magiging sapat na kaya ang pondo na malilikom para dito? Hangang kelan magiging ganito ang Ilog? At maibabalik pa kaya ang linis at mga ibong lumilipad dito pag dating ng hapon para sa kanilang pagkain. Mahirap di ba?!
The best way siguro i-educate ang mga pamilya at mga indibidwal na naninirahan malapit sa ilog at magsagawa ng konkretong plano at mahigpit na ordinansa para ma protektahan ang kaayusan ng Pasig River. Malaki ang maitutulong ng mga naninirahan sa tabi ng ilog kasama na ang mga factory kung meron man na malapit sa river side. Salamat po!
 
Posted: Lakbay Lansangan

1 comment: